Panoorin ang Priceless Reaction ng Merchandiser Nang Malaman Niyang Kaharap Niya si Vicki Belo!

Talaga namang na-achieve na ni Dra. Vicki Belo ang celebrity status hindi lang sa Pinas, kundi pati na rin sa ibang bansa. Buong mundo ay kilala ang angking talento at galing ng 64-anyos na celebrity doctor pagdating sa cosmetic industry. Kamakailan lamang ay isang fan ang na-starstruck matapos makilala si Dra. Vicki Belo at Hayden Kho.

Nitong nakaraang linggo ay lumipad patungong Paris, France ang mag-asawa upang umattend sa IMCAS World Congress, isang international convention para sa mga dermatologist at plastic surgeons. Habang nasa Paris, nagkaroon rin ng awkward encounter si Dra. Belo sa isang merchandiser.

Habang tumitingin-tingin si Vicki at Hayden sa mga products, napukaw ng interes nila ang Perfecto X. Maya-maya pa, nilapitan sila ng merchandiser nito at niyaya si Dra. Belo upang mai-demonstrate sa kanya ang produkto. Noong mga oras na iyon, tila wala pang kaalam-alam ang merchandiser kung sino ang kaharap niya.

Noong una ay sine-salestalk pa niya si Dra. Belo, habang si Hayden naman ay busy sa pagkuha ng video sa dalawa. Habang ine-explain ng merchandiser ang specs ng Perfecto X, bigla nitong nabanggit si Dra. Vicki Belo, ngunit wala siyang kaalam-alam na ito na pala ang kaharap niya ngayon!

"You know, in the Philippines, Vicki Belo? I've heard a lot about her... She used this machine already in her clinic. She is actually very famous in the Philippines. She has many clinics and she uses our product as well... She's very famous there."

Nakisakay naman si Dra. Vicki Belo at Hayden Kho dito. Ngunit maya-maya pa, hindi nakatiis si Hayden at pinakilala niya na ang kanyang asawa sa merchandiser. Ipinakita rin ni Dra. Belo ang kanyang ID upang mapatunayan na nagsasabi sila ng totoo.

Halos hindi makapaniwala ang babae na kaharap na pala niya mismo ang idol niyang celebrity doctor! Noong una ay hindi pa makapaniwala ang merchandiser, pero mabilis lang itong naka-move on at agad namang nakipagkilala sa idol niya. Sa huli ay binili pa ni Dra. Belo ang product na ine-endorse niya!

Natawa ka rin ba sa awkward moment na ito ni Dra. Vicki Belo at ng isang merchandiser? I-share ang inyong opinyon sa comments section. Para sa iba pang latest updates, i-follow lamang ang Daily Insights sa Facebook.