It's Official! Marcelito Pomoy, Pasok sa Grand Finals ng America's Got Talent

Matapos ang exciting na semi-finals ng "America's Got Talent," sa wakas ay nagbunga na ang paghihintay ng mga Filipino fans. Nasungkit ng representative ng Pilipinas na si Marcelito Pomoy ang isang spot sa grand finals ng talent-search program, at kasama siya sa maglalaban-laban upang makamit ang titulo ng grand champion.

Sa nakaraang semi-finals ng "America's Got Talent," ipinamalas ng singer ang kanyang angking galing sa pagkanta ng classic song ni Andrea Bocelli na "Time to Say Goodbye." Muling ipinamalas ni Marcelito ang kanyang dual voice, na talaga namang nagpahanga hindi lamang sa mga audience, kundi pati na rin sa mga judges.

Ayon kay Howie Mandel, isa sa mga judge ng show, mas lalo pang nahigitan ni Marcelito ang expectations nila. Naniniwala rin ang judge na malaki ang tsansa ni Marcelito na manalo, lalo pa't kung mas bobonggahan niya pa ang kanyang performance sa grand finals.

"I gotta say that I believe that you have the best shot of winning this whole thing. This is the semifinals and you raised your game. The woman in you was just as good as she was the last time. But you as a man, you went up a notch. She tried to stay up with you but she couldn't," ito ang pahayag ni Howie Mandel.

READ ALSO: Panoorin ang Nakakaiyak na Semi-Finals Performance ni Marcelito Pomoy

Ilan lamang sa mga nakasampa rin sa grand finals ay sina Hans, Tyler Butler-Figueroa, Alexa Lauenburger, Sandou Trio Russian Bar at Duo Transcend. Kasama si Marcelito Pomoy, makakalaban nila ang apat na nagkamit ng golden buzzers na sina Angelina Jordan, Boogie Storm, V. Unbeatable, at Silhouettes.

Sa kabilang banda, nagpahayag naman ng kanilang suporta ang mga fans ni Marcelito sa loob at labas ng bansa. Dahil itinayo niya ang bandila ng Pilipinas, maraming Pinoy ang naghahangad na manalo si Pomoy sa "America's Got Talent," upang mas lalo pang makilala ang angking galing ng mga Pinoy sa buong mundo.

Excited ka na rin bang suportahan si Marcelito Pomoy sa kanyang laban sa grand finals ng America's Got Talent? I-share ang inyong opinyon sa comments section. Para sa iba pang latest updates, i-follow lamang ang Daily Insights sa Facebook.