'Insensitive' Vlogger na Nagpanggap na may Coronavirus sa Mall, Arestado!

Sa gitna ng pangamba sa novel coronavirus outbreak na nagmula sa Wuhan City, gumagawa na ng hakbang ang gobyerno upang mapigilan ang pagkalat nito. Nitong nakaraan lamang ay nagpatupad na ng traverl ban si President Rodrigo Duterte sa mga turistang manggaling ng mainland China, Hong Kong, at Macau upang mapigilan ang pagkalat ng outbreak.

Ngunit nakakalungkot isipin na sa kabila ng sakunang ito, may mga tao pa rin ang nagagawang magbiro. Isa na sa kanila ay ang lalaking ito, na nagawa pang mag-prank sa kabila ng mapanganib na coronavirus outbreak. Nag-panic ang mga tao sa isang mall sa Legaspi City dahil sa prank ng isang lalaking ito.

Ayon kay Police Captain Dexter Panganiban, namataan ang lalaki at isang kasama nito sa Yashano Mall. Base sa paliwanag ng guard-on-duty noong mga oras na iyon, nagpanggap na may coronavirus at naglupasay sa mismong entrance ng mall ang lalaki, habang ang kanyang kasama naman ay nagvi-video ng pangyayari.

"The suspect laid down and pretended that he was a victim of the coronavirus, or a prank on coronavirus while his cohort was taking a video of him. As a result, the customers inside the establishment went out due to fear," ito ang official statement ng Albay Police.

Maraming tao ang nag-panic matapos makita ang ginagawa ng lalaki. Dahil sa gulong ginawa niya, napagdesisyunan ng mga otoridad na turuan ng leksyon ang lalaking ito. Ayon kay Legazpi City PNP spokesperson Maj. Joselito Aquino, naghahanda na sila ng kasong ihahabla laban sa lalaki, na napag-alaman nilang vlogger pala.

Sa kabilang banda, sinang-ayunan naman ng mga netizens ang pag-aresto sa lalaking ito. Ayon sa karamihan, hindi magandang biro ang ginawa ng lalaki sa pampublikong lugar. Imbes na makatulong ay lalo lamang ito nagpapalaganap ng takot at pangamba sa isip ng mga tao.

Sa iyong palagay, dapat lang ba na makulong ang lalaking ito na nagpanggap na may coronavirus? I-share ang inyong opinyon sa comments section. Para sa iba pang latest updates, i-follow lamang ang Daily Insights sa Facebook.