Egyptian National, Nagpasaklolo kay Idol Raffy Upang Mabawi ang mga Anak

Para sa isang ina, wala na sigurong mas sasakit pa ang mawalay sa iyong anak. Maraming nanay ang kinatatakutan ang malayo sa kanilang mga supling at gagawin nila ang lahat wag lamang mawalay sa mga ito. Kaya naman para sa Egyptian national na ito, hindi siya nag-atubiling bawiin ang kanyang mga anak na tinangay ng kanyang ex-husband na Pinoy.

Isang Egyptian national na nagngangalang Ayatulla Ibrahim ang lumapit sa programa ni Raffy Tulfo upang mabawi ang kanyang mga anak. Lumipad pa sila mula sa Egypt para lamang malaman kung saan tinangay ng kanyang ex-husband ang dalawa nilang anak. Agad silang nagtungo sa “Wanted sa Radyo” para umapela kay Idol Raffy.

Ayon sa Egyptian national, apat na taon na ang nakalilipas simula nang maghiwalay sila ng kanyang Pinoy na asawa. Matapos ang kanilang hiwalayan, lumipat sa Pilipinas ang kanyang ex-husband.

Pagbalik nito ilang taon ang nakalipas, basta-basta na lamang nitong tinangay ang mga anak nila pabalik sa Pilinas nang hindi nagpapaalam sa kanyang ex-wife.

Ngunit ano nga ba ang nag-udyok sa kanyang ex-husband upang tangayin ang kanilang anak? Ayon sa complainant, nais niya mag-file ng divorce mula sa kanyang asawa. Ngunit hindi niya ito nagustuhan, kaya upang makaganti ay tinangay nila ang kanilang dalawang anak pabalik sa Manila.

Sa programa, nakausap ni Idol Raffy ang kalive-in partner ng ex-husband ni Aya. Ayon sa babae, siya man ay wala ring kaalam-alam sa kinaroroonan ng mga bata. Ilang buwan na rin daw silang hindi nagkikita ng kanyang partner, kaya wala siyang balita kung nasaan man ito pati ang kanilang mga anak.

Dahil ayaw lumitaw o sumagot ng ex-husband, napagdesisyunan nila Tulfo na agad ng umaskyon. Ipapaalam nila sa mga otoridad ang kasong ito upang agad na matunton ang kinaroroonan ng mga bata.

Panoorin ang buong pangyayari dito:


Satisfied ka ba sa pag-solve ni Idol Raffy sa kasong ito? I-share ang inyong opinyon sa comments section. Para sa iba pang latest updates, i-follow lamang ang Daily Insights sa Facebook.