Mga Doktor sa Wuhan City, Sa Sahig na Natutulog Dahil sa Sobrang Pagod

Kamakailan lamang ay kinumpirma na ng World Health Organization na isang worldwide emergency na ang outbreak ng novel coronavirus. Nagmula sa Wuhan City, Hubei Province ang virus na ito, kung saan libo-libo na ang naaapektuhan. Maging ang mga ibang bansa ay naka-alerto sa nakaambang panganib na baka magkaroon rin ng outbreak.

Nagkaroon na ng lockdown ang buong Wuhan City upang mapigilan ang pagkalat ng virus. At dahil sa state of emergency ng city, nagkakakaubusan na rin ng mga stocks at pagkain sa siyudad. Nagmistulang ghost town na ito dahil halos lahat ng mga tao ay nananatili sa kanilang bahay sa pangambang mahawaan ng virus.

Upang maiwasan ang tuluyang pagkalat ng virus, nagsagawa na rin ng ilang hakbang ang gobyerno. Hindi na maaaring pumasok o lumabas mula sa Wuhan City dahil under quarantine na ito ngayon. Todo-kayod rin ang mga lokal na gobyerno upang asikasuhin ang mga masa.

Nitong mga nakaraang araw, ang mga ospital sa China ay nakakaranas ng matinding overcrowding dahil sa dumaraming bilang ng mga pasyente na nahawahan ng nakamamatay na coronavirus. Dahil dito, ang mga doktor at nurse ay pinilit na magtrabao nang hindi tumitigil. Ang ilan pa nga ay gumamit na ng diaper dahil wala silang sapat na oras upang magamit ang banyo.

Ayon sa World of Buzz, maraming mga netizen sa Weibo ang nagbahagi ng mga larawan ng mga medical officials mula sa isang ospital sa China. Talagang nakakabahala ang sitwasyon doon, dahil halos 24/7 na ang duty ng mga nurse at doktor upang maasikaso lamang ang mga pasyente.

Sa mga larawan na ito, makikitang natutulog sila sa sahig at mga bangko dahil limitadong oras ng pahinga lamang ang mayroon sila. Dahil dito, maraming tao ang humahanga sa dedikasyon at kasipagan nila. Ang post na ito ay may caption: "Sila ang totoong bayani ng bansang ito."

Ano ang iyong masasabi tungkol sa mga nakakabahalang kaganapan sa Wuhan ngayon? I-share ang inyong opinyon sa comments section. Para sa iba pang latest updates, i-follow lamang ang Daily Insights sa Facebook.