Sana All! Kahit Busy, Drew Arellano, Priority pa rin ang Kanyang Pamilya

Kadalasan, sa sobrang busy natin sa trabaho ay nauubusan na tayo ng oras para sa ating pamilya. Dahil sa sobrang pagmamahal natin sa ating mga career, nakakalimutan na natin ang pagtuunan ng atensyon ang ating mga mahal sa buhay. Matapos ang isang nakakapagod na araw, masarap pa din sa pakiramdam ang umuwi sa isang tahanan na puno nang tawanan at pagmamahal.

Bilang isang sikat na travel host, hectic at talaga nga namang fast-paced ang trabaho ni Drew Arellano. Dahil sa kanyang mga shows, hindi maiiwasang madalas ay wala siya sa piling ng kanyang mag-iina niya. Naiintindihan naman ito ng kanyang maybahay na si Iya Villania na kapwa niya artista sa GMA.

Sa isang interview, isiniwalat ni Drew ang kanyang hangarin na maging mabuting ama at asawa. Mababakas sa mukha ng host na seryoso ito at tila ba masaya sa kanyang role bilang tatay. Ngunit paano nga ba niya napagsasabay ang dalawa?

"I wanna be a great father, so I need to adjust all other aspects in my life. That’s the priority and others come secondary," dagdag ng sikat na Kapuso host.

May mithiin si Drew na maging isang "ideal at great father" sa dalawa niyang lalaki na sina Primo at Leon. Bagamat mga bata pa ay makikita na ang pagiging attached ng mag-aama sa isa't-isa.

Goal ng traveler na sa kabila ng kanyang schedule ay makakauwi siya sa piling ng pamilya sa eksaktong alas syete ng gabi. Umamin din ang entertainer na totoo nga namang nakakapagod ang maging isang travel host at ama sa magkasabay na oras. Naiibisan naman daw ito tuwing makikita ang ngiti nang kanyang mga anak.

Isa sa mga sikreto na binahagi ni Drew ay ang pagaalaga rin sa sa sarili sa pamamagitan ng pagkakaroon ng sapat na tulog at tamang pahinga.

Sinabi ni Drew na malaki ang naging impluwensya nang sarili niyang ama sa kung paano niya pakisamahan at mahalin ang kanyang mga anak. Inilarawan ni Drew ang padre-de-pamilya bilang cheerful at thoughful na tao.

Ngayong may sarili nang pamilya makikita naman na ito din ang ginagawa nang host. Lalo na at challenging ang pagpapalaki at pagsuporta sa dalawang anak na lalaki.

Ano ang masasabi mo sa pagiging ama ni Drew? I-share ang inyong opinyon sa comments section below. Para sa iba pang latest updates, i-follow lamang ang Daily Insights sa Facebook.